केपी रिपोर्टर,निभा झा
जनकपुरधाम १३ माघ । प्रत्येक वर्ष माघ शुक्ल पञ्चमीका दिन मनाइने ‘श्रीपञ्चमी’ पर्वका अवसरमा श्रीपञ्चमी अर्थात् सरस्वती पूजा देशभरका सरस्वती मन्दिरमा पूजाअर्चना गरेर मनाइएको छ ।
सोही क्रममा क्षिरेश्वरनाथ नगरपालिकाको मेयर सुखदेव यादवले नमुना माध्यमिक बिद्यालय रमदैया भवाडीमा सरस्वती मन्दिरको उद्घाटन गरी विधिवत् रुपमा पूजाअर्चना गरेका छन् । 
उक्त दिन सरस्वतीको पूजाअर्चना गर्दा बुद्धि, विवेक बढ्ने जनविश्वास रहि आएको छ । सरस्वतीको पुजाकै दिन साना बालबालिकालाई पहिलो अक्षर लेख्न सिकाइने गरिन्छ । 
बालबालिकाहरू सरस्वतीको मन्दिरमा गई पूजा आराधना गरी मन्दिरको भित्तामा अक्षर कोर्नेसमेत गर्छन् । यसै क्रममा महेन्द्रनगरको क्षीरेश्वर उच्च माध्यमिक बिद्यालय लगायत विभिन्न स्थानमा रहेका सरस्वती मन्दिरमा बिहिवार बिहानैदेखि भक्तजनको भीड लागेको थियो ।
