काठमाडौैं ९ माघ । प्रधानमन्त्री पुष्पकमल दाहाल प्रचण्ड र नवनिर्वाचित सभामुख देवराज घिमिरेबीच भेटवार्ता भएको छ ।
प्रधानमन्त्री निवास बालुवाटारमा सोमवार बिहान भएको भेटमा समसामयिक विषयमा छलफल भएको छ ।
सभामुखमा निर्वाचित भएपछि घिमिरेले पहिलोपटक प्रधानमन्त्रीलाई भेटेका छन् । नेकपा एमालेका सांसद घिमिरे यही ५ माघमा सत्ता साझेदार दलको समर्थनमा सभामुख पदमा निर्वाचित भएका थिए ।
उनलाई नेकपा (माओवादी केन्द्र), राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी र जनमत पार्टीलगायत राजनीतिक दलहरुले समर्थन गरेका थिए ।
