जनकपुरधाम १० असोज । नेकपा एमालेको केन्द्रीय कमिटी सल्लाहकार समिति सदस्य गंगाराम यादवले पार्टी परित्याग गरेका छन्। धनुषा निर्वाचन क्षेत्र नम्बर २ मा नेकपा एमालेबाट प्रतिनिधिसभा सदस्यको उम्मेदवारी दिने तयारी गरेका यादव एकाएक पार्टी परित्याग गरेका हुन्।
दुई दिन अगाडी मात्रै एमाले अध्यक्ष केपी शर्मा ओलीले धनुषा २ बाट निर्वाचन लडाउने गरी लोसपाका सचेतक उमाशंकर अरगरियालाई पार्टी प्रवेश गराएपछि यादव असन्तुष्ट भएका थिए ।
पार्टीले आफूले कम्युनिष्ट आन्दोलनमा दिएको योगदानको कदर नगरेको यादवले आरोप लगाए। एमालेलाई धनुषा २ मा मजबुत बनाउन उनको महत्वपूर्ण योगदान रहँदै आएको थियो।
