सस्ता बजार बारे सरोकारबाला बिच छलफल

जनकपुरधाम ३१भदौ : विजयादशमी, दिपावली र छठ पर्वको अवसरमा सन्चालन हुन लागेको  सस्तो (सस्ता)बजारको सम्बन्धमा सरोकारबाला बिच छलफल भएको छ । बजारको व्यवस्थापन समितिका अध्यक्ष समेत रहने गरेको धनुषाको प्रमुख जिल्ला अधिकारीको अध्यक्षतामा जनकपुरधाम उद्योग बाणिज्य संघको सभाहलमा भएको छलफलमा सहभागिहरुले सस्ता बजार नाम भएपनि सो बजारमा समान सस्तो नरहेको बताउदै ग्राहकलाई सहुलियतका लागि सबै पक्ष प्रयत्नरत हुनुपर्ने बताएका छन् ।
प्रमुख जिल्ला अधिकारी  सुरेन्द्र पौडेलले बजारमा ग्राहक ठग्ने कुनै पनि काम नहुने बताएका छन । पौडेलले असोज १ गते देखि धनुषामा चाडपर्व केन्द्रित विशेष सुरक्षा योजना लागु हुने समेत बताएका छन् ।
सो कार्यक्रममा सुरक्षा निकायका प्रमुखहरु, उद्योगी, व्यवसायी, पत्रकार सहितको उपस्थिती थियो ।