काँग्रेस नेता यादव एमालेमा प्रवेश गर्दै

जनकपुरधाम २५ भादौ । नेपाली कांग्रेसका नेता सन्तोष कुमार यादव नेकपा एमालेमा प्रवेश गर्न लागेका छन् ।
कांग्रेसप्रति असन्तुष्टि जनाउँदै उनले कार्यकर्ताको लागि उक्त पार्टी उपयुक्त नभएका कारण पार्टी छोड्न लागेको बताए । यादवले आसन्न निर्वाचनमा प्रदेश सभातर्फ निर्वाचन क्षेत्र नम्बर ४ को ‘ख’ बाट नेकपा एमालेको उमेदवार हुने तयारी गरेका छन् ।
सोमबार उनलाई नेकपा एमाले अध्यक्ष केपी शर्मा ओलीले पार्टी प्रवेश गराउने कार्यक्रम राखिएको छ । सोमबार उक्त क्षेत्रका करिब पाँच हजार नेता तथा कार्यकर्ता कांग्रेस पार्टी परित्याग गरेर एमाले प्रवेश गर्ने उनको दाबी छ । उनी पार्टीका धनुषा जिल्ला सचिव हुँदै उपसभापतिसम्म निर्वाचित भएका थिए ।