नयाँ दिल्ली, ६ मंसिर । प्रधानमन्त्री वालेन्द्र शाह (बालेन) को दुईदिने औपचारिक भारत भ्रमणका क्रममा आइतबार साँझ नयाँ दिल्लीमा नेपाल र भारतका निजी क्षेत्रबीच उच्चस्तरीय आर्थिक संवाद सुरु भएको छ।
दुवै देशबीच व्यापारिक सम्बन्ध थप विस्तार गर्ने, लगानीका नयाँ अवसर खोज्ने तथा आर्थिक साझेदारीलाई मजबुत बनाउने उद्देश्यले संवाद आयोजना गरिएको हो।
उक्त उच्चस्तरीय कार्यक्रमको नेतृत्व नेपाल उद्योग वाणिज्य महासङ्घ (एफएनसीसीआई) र भारतीय उद्योग परिसङ्घ (सीआईआई) ले गरिरहेका छन्। संवादमा नेपाल तथा भारतका उद्योगी, व्यवसायी र निजी क्षेत्रका प्रतिनिधिहरूको सहभागिता रहेको छ।
कार्यक्रममा भारत सरकारका वाणिज्य तथा उद्योग राज्यमन्त्री जितिन प्रसादसमेत सहभागी भएका छन्।














