जनकपुर, २२ कार्तिक। दीपावलीको अवसरमा जनकपुरधामका बजार, सडक, घर तथा विभिन्न चोकहरू रंगीन बत्ती र आकर्षक सजावटले झकिझकाउ बनेका छन्।
पर्वलाई उल्लासमय बनाउन स्थानीयवासी तथा व्यवसायीहरूले घर, पसल र व्यावसायिक प्रतिष्ठानहरूमा रंगीचंगी बत्ती, दीपमाला तथा अन्य सजावट गरेका छन्। साँझ परेसँगै सहरका विभिन्न स्थानमा बल्ने झिलिमिली बत्तीले जनकपुरधामको सौन्दर्य थप बढाएको छ।
दीपावलीको अवसरमा बजार क्षेत्रमा चहलपहल बढेको छ भने चारैतिर उत्साह र उमंगको वातावरण देखिएको छ। उज्यालो र सजावटले धार्मिक तथा सांस्कृतिक नगरी जनकपुरधामलाई थप आकर्षक बनाएको छ।
दीपावलीको यो रौनकले सहरवासीमा पर्वको खुसी र उत्साह थपेको छ।
