काठमाडौं, १४ कात्तिक । दुई दिनदेखि परेको लगातार वर्षा रोकिएपछि नेपाल प्रिमियर लिग (एनपीएल) अन्तर्गत शनिबार साँझ हुने सुदूरपश्चिम रोयल्स र विराटनगर किंग्सबीचको खेलका लागि त्रिवि क्रिकेट मैदान तयार पार्न थालिएको छ।
वर्षा रोकिएसँगै मैदान र पिचबाट कभर हटाइएको छ। घाम लाग्न थालेपछि खेल सञ्चालन गर्न मैदान सुकाउने काम भइरहेको छ।
निर्धारित तालिकाअनुसार सुदूरपश्चिम र विराटनगरबीचको खेल साँझ ५ बजे सुरु हुनेछ। मौसममा सुधार आएपछि खेल हुने सम्भावना बढेको छ।
यसअघि वर्षाकै कारण शनिबार दिउँसो लुम्बिनी लायन्स र चितवन राइनोजबीचको खेल रद्द भएको थियो। दुवै टोलीले एक–एक अंक बाँडेका थिए।
