काठमाडौं, १३ कार्तिक । प्रधानमन्त्री बालेन्द्र शाहले समाचार संकलन तथा प्रकाशनको विषयलाई लिएर पक्राउ गरिएका पत्रकारहरूलाई तत्काल रिहा गर्न निर्देशन दिएका छन्।
प्रधानमन्त्रीकी प्रेस विज्ञ दीपा दाहालका अनुसार पत्रकार पक्राउ परेको घटनाबारे जानकारी पाएलगत्तै प्रधानमन्त्रीले सम्बन्धित निकायलाई उनीहरूको रिहाइ गर्न निर्देशन दिएका हुन्।
सामाजिक सञ्जालमार्फत दाहालले पत्रकार पक्राउ गर्ने घटनामा प्रधानमन्त्री, उनको सचिवालय तथा कार्यालयको कुनै संलग्नता र पूर्वजानकारी नरहेको स्पष्ट पारेकी छन्।
साथै, समाचार कक्षमा प्रवेश गरी पत्रकारमाथि कुनै पनि प्रकारको धरपकड नगर्न प्रधानमन्त्रीले निर्देशन दिएको उनले बताएकी छन्।
