काठमाडौँ, ४ कात्तिक । पूर्वराष्ट्रपति तथा नेकपा एमालेकी वरिष्ठ नेता विद्यादेवी भण्डारी बिहीबार चीन भ्रमणमा जाने भएकी छन्। सक्रिय राजनीतिमा फर्किएपछि उनको यो पहिलो विदेश भ्रमण हो।
चीनको हेबेई प्रान्तस्थित सियोङआनमा अक्टोबर २३ देखि २५ सम्म आयोजना हुने ग्लोबल गभर्नेन्स फोरममा भण्डारीले विशिष्ट अतिथिका रूपमा सम्बोधन गर्ने कार्यक्रम छ।
चाइनिज पिपल्स इन्स्टिच्युट अफ फरेन अफेयर्सले आयोजना गर्ने फोरममा अन्तर्राष्ट्रिय सहकार्य, विश्व शासन प्रणालीमा सुधार तथा कृत्रिम बुद्धिमत्ता (एआई) को सुरक्षित प्रयोगलगायत विषयमा छलफल हुने बताइएको छ।
