काठमाडौं, १९ असोज । सरकारले सोमबार बसेको मन्त्रिपरिषद् बैठकका निर्णय सार्वजनिक गरेको छ।
सरकारका प्रवक्ता सस्मित पोखरेलले बैठकका मुख्य निर्णयबारे जानकारी दिएका हुन्।
मन्त्रिपरिषद्का निर्णयहरू :
- नगरपालिकामा स्वच्छ ऊर्जा रूपान्तरण प्रवर्द्धन कार्यक्रमका लागि नर्वे सरकारबाट करिब १० करोड रुपैयाँ बराबरको अनुदान स्वीकार गर्ने।
- नेपाल इन्जिनियरिङ सेवा गठन, समूह तथा श्रेणी विभाजन र नियुक्ति दोस्रो संशोधन नियमावली, २०८३ स्वीकृत गर्ने।
- वैकल्पिक विकास वित्त परिचालन नियमावली, २०८३ स्वीकृत गर्ने।
- जेनजी आन्दोलनसम्बन्धी फौजदारी मुद्दा फिर्ता लिन सकिने वा नसकिनेबारे पूर्वन्यायाधीश बाबुराम रेग्मी नेतृत्वको समितिको प्रतिवेदन आवश्यक कार्यार्थ गृह मन्त्रालयमा पठाउने।
- सहसचिव पद्मकुमार मैनालीलाई सचिव पदमा बढुवा गरी पूर्वाधार विकास मन्त्रालयमा पदस्थापन गर्ने।
