काठमाडौँ, १८ असोज । नेपाली कांग्रेसका पूर्वसभापति शेरबहादुर देउवा संस्थापन पक्षले आयोजना गरेको १५औँ महाधिवेशनमा सहभागी नहुने भएका छन्।
कांग्रेस सभापति गगनकुमार थापाले महाधिवेशन उद्घाटन समारोहमा सहभागी हुन देउवालाई औपचारिक निमन्त्रणा पठाएका थिए।
तर देउवा महाधिवेशनमा सहभागी हुने कुनै कार्यक्रम नरहेको नेता डा. प्रकाशशरण महतले बताएका छन्। उनका अनुसार देउवा उद्घाटन सत्रमा सहभागी हुने तयारीमा छैनन्।
देउवा पक्षले गगन थापाको नेतृत्वलाई स्वीकार नगरेपछि कांग्रेसभित्र समानान्तर गतिविधि जारी छ। जेनजी आन्दोलनपछि विशेष महाधिवेशनमार्फत थापा सभापति बने पनि देउवा पक्षले उक्त महाधिवेशनलाई मान्यता दिएको छैन।
संस्थापन पक्षको महाधिवेशनमा कांग्रेसका अधिकांश नेता सहभागी भए पनि कृष्ण सिटौला, प्रकाशमान सिंह, रमेश लेखक र विमलेन्द्र निधिलगायत नेता देउवा पक्षमै रहेका छन्। देउवा पक्षले असोज १५ गतेदेखि छुट्टै महाधिवेशन प्रक्रिया अघि बढाएको छ भने केन्द्रीय महाधिवेशन मंसिरमा गर्ने तयारी गरेको छ।
