काठमाडौँ, १८ असोज । नेपाली कांग्रेसको १५औँ महाधिवेशनको उद्घाटन समारोहमा नेकपा एमालेका अध्यक्ष केपी शर्मा ओली सहभागी नहुने भएका छन्।
कांग्रेसले आज दिउँसो २ बजे काठमाडौंको खुलामञ्चमा आयोजना गरेको उद्घाटन समारोहमा सहभागी हुन ओलीलाई निमन्त्रणा गरेको थियो। यसअघि सहभागी हुने भनिए पनि ओलीले अन्तिम समयमा आफ्नो कार्यक्रम परिवर्तन गरेका हुन्।
ओलीको सचिवालय प्रमुख निरुदेवी पालले उनी महाधिवेशनमा सहभागी नहुने पुष्टि गरेकी छन्। ओलीको सट्टा एमालेबाट कार्यक्रममा को सहभागी हुने भन्ने निर्णय भने सार्वजनिक भएको छैन।
स्रोतका अनुसार ओली आज दिउँसो १ बजे हुने एमाले संसदीय दलको बैठकमा सहभागी हुनेछन्।
