काठमाडौँ, ३० भदौ । प्रतिनिधि सभाको बैठकमा आईसीयूभित्रै अन्तर्वार्ता लिइएको विषय उठेको छ।
बैठकको आकस्मिक समयमा राष्ट्रिय स्वतन्त्र पार्टी (रास्वपा) की सांसद समीक्षा बाँस्कोटाले आईसीयूजस्तो संवेदनशील स्थानमा उपचाररत बिरामीको गोपनीयता, स्वास्थ्य सुरक्षा र संक्रमण नियन्त्रणलाई बेवास्ता गर्दै अन्तर्वार्ता लिने कार्यप्रति प्रश्न उठाइन्।
उनले मानिसको जीवनभन्दा कुनै पनि कन्टेन्ट, अन्तर्वार्ता वा भ्युज ठूलो हुन नसक्ने भन्दै यस्तो अभ्यास रोक्न सरकारको ध्यानाकर्षण गराइन्।
साथै, बिरामीको अधिकार र सुरक्षालाई सुनिश्चित गर्न मेडिकल नेग्लिजेन्ससम्बन्धी कानुन तथा आईसीयू सञ्चालनका स्पष्ट मापदण्ड बनाउनुपर्नेमा जोड दिइन्।
