काठमाडौँ, ३० भदौ । राष्ट्रिय सभा अध्यक्ष नारायणप्रसाद दाहालले खर्क तथा चरन क्षेत्रलाई व्यवस्थित र संरक्षण गर्न सके जलवायु परिवर्तनको असर न्यूनीकरणसँगै पानीका मुहान संरक्षण, भूक्षय नियन्त्रण र रोजगारी सिर्जनामा समेत सहयोग पुग्ने बताएका छन्।
मंगलबार आयोजित बहुसरोकारवाला छलफल कार्यक्रममा बोल्दै अध्यक्ष दाहालले खर्क तथा चरन क्षेत्रलाई परम्परागत पशुपालनमा मात्र सीमित नराखी जलवायु अनुकूलन, प्राकृतिक स्रोत संरक्षण र आर्थिक गतिविधिसँग जोड्नुपर्ने बताए।
उनका अनुसार खर्क क्षेत्रको उचित व्यवस्थापनले वातावरणीय सन्तुलन कायम राख्नुका साथै पशुपालन तथा त्यससँग सम्बन्धित व्यवसायमार्फत स्थानीय स्तरमै आयआर्जन र रोजगारीका अवसर बढाउन सकिन्छ।
