काठमाडौं, २८ भदौ । नेपाली सेनाका प्रधानसेनापति अशोकराज सिग्देल चीन भ्रमणमा प्रस्थान गरेका छन्। उनी भदौ २८ देखि असोज ३ गतेसम्म चीनमा रहनेछन्।
भ्रमणका क्रममा उनले बेइजिङमा हुने १३औँ बेइजिङ स्याङसन फोरममा सहभागिता जनाउनेछन्। भ्रमणले नेपाल–चीन सैनिक सम्बन्ध थप सुदृढ हुनुका साथै सैनिक कूटनीतिमार्फत नेपालको परराष्ट्र नीतिमा योगदान पुग्ने अपेक्षा गरिएको सेनाले जनाएको छ।
प्रधानसेनापति सिग्देलको अनुपस्थितिमा बलाधिकृत रथी प्रदीपजंग केसीले कायममुकायम प्रधानसेनापतिको जिम्मेवारी सम्हाल्नेछन्।
