काठमाडौं, १७ भदौ। प्रतिनिधिसभाको बुधबारको बैठक बिहीबार भदौ १८ गते दिउँसो १ बजेसम्मका लागि स्थगित भएको छ। सभामुख डोलप्रसाद अर्यालले अर्को बैठक बिहीबार बस्ने गरी बैठक स्थगित गरेका हुन्।
बुधबारको बैठकले भोटेकोशी बाढीबाट भएको जनधनको क्षतिप्रति दुःख व्यक्त गर्दै विशेष प्रस्ताव सर्वसम्मतिले पारित गरेको थियो। प्रस्तावमार्फत मृतकप्रति श्रद्धाञ्जली, घाइतेको शीघ्र स्वास्थ्यलाभको कामना तथा बेपत्ताको खोजी र प्रभावितको पुनःस्थापनाका लागि सरकारको ध्यानाकर्षण गराइएको छ।
बैठकमा प्रधानमन्त्री बालेन्द्र शाहले बाढीको अवस्था, उद्धारमा देखिएका प्राविधिक समस्या, मृतकको संख्या र राहत कोषबारे संसद्लाई जानकारी गराएका थिए।
विभिन्न दलका नेताहरूले भने उद्धारमा भएको ढिलाइप्रति असन्तुष्टि जनाउँदै प्रभावकारी उद्धार र राष्ट्रिय सहमतिका साथ अघि बढ्न सरकारलाई सुझाव दिएका थिए।
