काठमाडौं, १७ भदौ । रसुवा बाढीपीडितका लागि अमेरिकी संस्था सामारिटान्स पर्सले पठाएको ४० टनभन्दा बढी आपतकालीन राहत सामग्री काठमाडौं आइपुगेको छ।
राहत सामग्रीमा २ हजार ६ सय परिवारलाई पुग्ने पानी फिल्टर, त्रिपाल, कम्बल, सरसफाइ किट र सौर्य बत्ती छन्। सामग्री स्थानीय स्तरमा कार्यरत संस्थामार्फत प्रभावित परिवारमा वितरण गरिनेछ।
अमेरिकी दूतावासले नेपाल सरकार र साझेदार संस्थासँग समन्वय गर्दै बाढी प्रभावितका लागि आवश्यक सहायता उपलब्ध गराइरहेको जनाएको छ।
