काठमाडौं, १० भदौ । रसुवाको भोटेकोशी नदीमा आएको भीषण बाढीबाट ठूलो मानवीय क्षति भएपछि भारतले नेपाललाई मानवीय सहायता पठाएको छ।
भारतका विदेशमन्त्री डा. एस. जयशंकरका अनुसार बाढी प्रभावितका लागि १० टन राहत सामग्री र अत्यावश्यक औषधि नेपाल पठाइएको हो। उनले विपद्का कारण ज्यान गुमाउनेप्रति दुःख व्यक्त गर्दै संकटको समयमा भारत नेपाल र नेपाली जनताको साथमा रहेको बताएका छन्।
नेपाल प्रहरीका अनुसार बुधबार साँझसम्म बाढीबाट ९५ जनाको मृत्यु पुष्टि भएको छ। मृतकमध्ये २७ महिला, ३७ पुरुष, ६ बालिका, ५ बालक र २० जनाको पहिचान खुल्न सकेको छैन।
