धनुषा, ५ भादौँ । मधेस प्रदेश सभाको चालु सातौँ अधिवेशन शुक्रबार राति १२ बजेदेखि अन्त्य भएको छ । प्रदेश मन्त्रिपरिषद्को सिफारिसमा प्रदेश प्रमुखले अधिवेशन अन्त्य गरेका हुन् ।
सातौँ अधिवेशनमा कुल १७ वटा बैठक बसेका थिए । अधिवेशनका क्रममा प्रदेश सरकारको नीति तथा कार्यक्रममाथि छलफल गरी पारित गरिएको थियो भने आगामी आर्थिक वर्षको बजेटसमेत प्रदेश सभाबाट पारित भएको थियो ।
प्रदेश सरकारका महत्वपूर्ण नीति, कार्यक्रम तथा बजेटमाथि छलफल र निर्णय गर्दै सातौँ अधिवेशन अन्त्य गरिएको हो ।
