काठमाडौं, २९ साउन । देशका अधिकांश भूभागमा आज वर्षाको सम्भावना रहेको छ ।
जल तथा मौसम विज्ञान विभागका अनुसार गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी क्षेत्रमा भारीदेखि धेरै भारी वर्षाको सम्भावना छ ।
दिउँसो देशभर सामान्यदेखि पूर्ण बदली रही विभिन्न प्रदेशमा मेघगर्जन/चट्याङसहित मध्यम वर्षा हुने अनुमान छ । कर्णाली र सुदूरपश्चिमका एक–दुई स्थानमा धेरै भारी वर्षा हुन सक्ने विभागले जनाएको छ ।
राति पनि हिमाली तथा पहाडी क्षेत्रमा वर्षा र हिमपातको सम्भावना छ । वाग्मती, गण्डकी, कर्णाली र सुदूरपश्चिमका केही पहाडी क्षेत्रमा भारी वर्षा हुन सक्ने जनाइएको छ ।
हाल देशभर मनसुनी वायुको प्रभाव रहेको छ ।
