जनकपुर, २७ साउन । । धनुषा जिल्ला अदालतअगाडि एक मिटरब्याज पीडितले आत्मदाहको प्रयास गरेका छन्।
आफ्नो समस्या समाधान नभएको भन्दै ती पीडितले आत्मदाहको प्रयास गरेपछि प्रहरीले तत्काल हस्तक्षेप गरी उद्धार गरेको हो।
अदालत परिसर अगाडि भएको घटनापछि केही समय तनावपूर्ण अवस्था सिर्जना भएको थियो।
प्रहरीले पीडितलाई सुरक्षित रूपमा नियन्त्रणमा लिएर थप अप्रिय घटना हुनबाट रोकेको जनाएको छ। मिटरब्याजसम्बन्धी समस्या समाधान तथा न्यायको माग गर्दै पीडितहरू लामो समयदेखि संघर्षरत छन्।
