काठमाडौं, २६ साउन । प्रतिनिधिसभाको बैठकमा बोल्दै सांसद खुस्बु ओलीले ग्यास अभावका कारण नागरिकले भोगिरहेको समस्याप्रति सरकारको ध्यानाकर्षण गराएकी छन् ।
उनले जनता तातो घाममा घण्टौँसम्म ग्यासका लागि लाइनमा बस्नुपर्ने अवस्था रहेको भन्दै मन्त्रीले फोन गरेर दुई–चार जनालाई ग्यास उपलब्ध गराउँदैमा समस्या समाधान नहुने बताइन् ।
सांसद ओलीले ग्यास वितरणमा पहुँचका आधारमा व्यक्ति–व्यक्तिलाई सहयोग गर्नुको सट्टा सरकारले व्यवस्थित आपूर्ति र वितरणको व्यवस्था मिलाउनुपर्नेमा जोड दिइन् ।
उनले भनिन्, जनताहरू तातो घाममा लाइन लागेर ग्यासका लागि बसेका छन् । मन्त्रीले फोन गरेर दया गरेर दुई–चार जनालाई ग्यास वितरण गरेर हुन्छ? मन्त्रीले व्यवस्थापन मिलाउनुपर्छ ।
ओलीले आम नागरिकले सहज रूपमा ग्यास पाउने वातावरण बनाउन सरकार जिम्मेवार र प्रभावकारी ढंगले अघि बढ्नुपर्ने बताइन् ।
