सुनसरी, ४ साउन। सुनसरीको देवानगञ्ज घटनामा मृत्यु भएका रवीन्द्रकुमार मेहताको परिवार र सरकारबीच सातबुँदे सहमति जुटेको छ।
गृहमन्त्री सुधन गुरुङसँगको वार्तापछि मेहतालाई शहीद घोषणा गर्ने प्रक्रिया अघि बढाउने, घटनाको निष्पक्ष छानबिन गरी दोषीमाथि कारबाही गर्ने र सम्बन्धित मदरसाको कानुनी अवस्थाबारे अनुसन्धान गर्ने सहमति भएको हो।
सम्झौताअनुसार मृतक परिवारका एक सदस्यलाई रोजगारीका लागि पहल गरिनेछ। साथै, मेहताको शव सेनाको हेलिकोप्टरबाट सुनसरी पुर्याउने र घटनामा मृत्यु भएका तीन जनाको स्मृतिमा पार्क निर्माण गरिने भएको छ।
