काठमाडौं, २४ साउन । विश्व आदिवासी दिवसको अवसरमा काठमाडौंमा विभिन्न आदिवासी जनजाति समुदायको सहभागितामा सांस्कृतिक ¥याली निकालिएको छ ।
भृकुटीमण्डपबाट सुरु भएको ¥याली भद्रकाली, सहिदगेट, सुन्धारा र वीर अस्पताल हुँदै खुलामञ्चमा पुगेर मूल समारोहमा परिणत भएको थियो। ¥यालीमा नेवार, मगर, तामाङ, शेर्पा, गुरुङ, थकाली, दुरा, माझी, याख्खा, राजवंशी, सुनुवार, ह्योल्मोलगायत समुदायले मौलिक भेषभूषा, बाजागाजा, झाँकी, लोकगीत तथा नृत्य प्रस्तुत गरेका थिए ।
कार्यक्रममा देशका विभिन्न स्थानबाट आएका हजारौँ आदिवासी जनजाति प्रतिनिधि, युवा, महिला, विद्यार्थी तथा सांस्कृतिक समूहको सहभागिता रहेको थियो ।
महासंघले आदिवासी समुदायका संवैधानिक अधिकार, समावेशी प्रतिनिधित्व, मातृभाषामा शिक्षा, भूमि तथा प्राकृतिक स्रोतमा अधिकार र सांस्कृतिक संरक्षणलाई प्रभावकारी बनाउनुपर्नेमा जोड दिएको छ ।
