काठमाडौं, २२ साउन । श्रम संस्कृति पार्टीका अध्यक्ष हर्क साम्पाङले ‘हिन्दु सम्राट सेना’ लगायत सेना नाममा गठन भएका कुनै पनि समूहलाई प्रतिबन्ध लगाउन सरकारसँग माग गरेका छन् ।
शुक्रबार प्रतिनिधिसभाको बैठकमा बोल्दै साम्पाङले सुनसरी घटनापछि चर्चामा आएको ‘हिन्दु सम्राट सेना’ नेपाली सेनाको समानान्तर संगठन हो कि होइन भन्ने विषयमा सरकारले अनुसन्धान गर्नुपर्ने बताए ।
उनले सेना नाम प्रयोग गरेर गठन भएका सबै समूहलाई निषेध गर्नुपर्ने भन्दै यस्ता संगठनलाई अनुमति दिने हो भने अन्य समूहलाई पनि समान अधिकार दिनुपर्ने तर्क गरे ।
