काठमाडौं, २१ साउन । आज प्रतिनिधिसभाअन्तर्गत पाँच संसदीय समितिको बैठक बस्दैछ ।
अर्थ समितिले उपसमितिहरूको प्रतिवेदनमाथि छलफल गर्नेछ भने महिला तथा सामाजिक मामिला समितिले मुस्लिम आयोगको कामकारबाही र प्रगतिबारे आयोगका पदाधिकारीसँग छलफल गर्ने कार्यसूची रहेको छ ।
यस्तै, शिक्षा, स्वास्थ्य तथा सूचना प्रविधि समितिले स्वास्थ्य तथा खाद्य स्वच्छता मन्त्रालयको वर्तमान अवस्था, चुनौती र भावी योजनाबारे छलफल गर्नेछ।
राज्य व्यवस्था तथा सुशासन समितिले राष्ट्रिय सेवा दल विधेयक, २०८३ तथा अख्तियार र कारागार कार्यालयको अनुगमन प्रतिवेदनमाथि छलफल गर्नेछ ।
साथै, राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिले मुलुकको समसामयिक अवस्थाबारे समीक्षा गर्नेछ ।
