काठमाडौं, २० साउन । सर्वोच्च अदालतका मुख्य रजिस्ट्रार विमल पौडेलले नेपालको न्यायपालिका पूर्ण रूपमा स्वतन्त्र, निष्पक्ष र सक्षम रहेको बताएका छन् ।
कानुन, न्याय तथा मानवअधिकार समितिको बैठकमा उनले न्यायपालिकामा कुनै पनि प्रकारको बाह्य हस्तक्षेप नभएको र संविधान तथा कानुनको शासनअनुसार काम भइरहेको स्पष्ट पारे ।
उनले न्यायपालिकामा पारदर्शिता, सुशासन र जवाफदेहिता बढाउन आन्तरिक सुधार जारी रहेको, न्यायाधीशहरूको आचारसंहिता प्रभावकारी रूपमा लागू गरिएको तथा न्यायमा नागरिकको पहुँच र न्यायपालिकाप्रतिको जनविश्वास कायम राख्नु प्रमुख प्राथमिकता रहेको बताए ।
