काठमाडौं, १७ साउन। मेडिकल व्यवसायी दुर्गा प्रसाईँले वर्तमान राजनीतिक व्यवस्था र सरकारविरुद्ध पुनः सशक्त आन्दोलन गर्ने घोषणा गरेका छन्।
आइतबार काठमाडौंमा आयोजित पत्रकार सम्मेलनमा उनले अभिव्यक्ति स्वतन्त्रता र नागरिक अधिकार कुण्ठित भएको आरोप लगाउँदै आफ्नो आन्दोलन कुनै धर्म वा समुदायविरुद्ध नभई व्यवस्था परिवर्तनका लागि भएको बताए।
प्रसाईँले राजसंस्था र हिन्दु राष्ट्र पुनर्बहाली आफ्नो मुख्य एजेण्डा रहेको दोहोर्याउँदै संविधान संशोधनमार्फत माग सम्बोधन नभए थप कडा आन्दोलन गर्ने चेतावनी दिएका छन्।
साथै उनले नागरिक, बुद्धिजीवी र सञ्चारकर्मीलाई आफ्नो अभियानमा साथ दिन अपिल गरेका छन्।
