काठमाडौं, १५ साउन । प्रधानमन्त्री बालेन्द्र शाहले मधेशकेन्द्रित दलका नेताहरूसँग आफूलाई संघीयताविरोधीका रूपमा नबुझ्न आग्रह गरेका छन् ।
सुनसरी लगायतका जिल्लाका घटनाबारे भएको छलफलमा उनले आफ्नो सरकार संघीयता सुदृढ बनाउन प्रतिबद्ध रहेको र प्रदेशलाई अझ बलियो बनाउने उद्देश्यले मात्र संरचनागत सुधारको कुरा उठाएको बताएका हुन् ।
छलफलमा मधेशका नेताहरूले प्रदेश सरकारलाई सुरक्षा लगायतका थप अधिकार दिनुपर्ने धारणा राखेका थिए । प्रधानमन्त्रीले भएका सम्झौताहरू कार्यान्वयन गर्ने र यस्ता घटना दोहोरिन नदिने प्रतिबद्धता व्यक्त गरेका छन् ।
जनमत पार्टीका अध्यक्ष सीके राउतले प्रदेश प्रहरी गठन र नेपाली सेनामा मधेसीको सामूहिक सहभागिता बढाउन पनि सुझाव दिएको जानकारी दिए ।
