काठमाडौँ, १५ साउन । सुनसरीसहित मधेसका विभिन्न स्थानमा उत्पन्न तनावपूर्ण अवस्थाबारे प्रधानमन्त्री बालेन्द्र -बालेन- शाहले मधेस केन्द्रित विभिन्न राजनीतिक दलका नेताहरूसँग छलफल गरेका छन् ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको छलफलमा जनमत पार्टीका अध्यक्ष सीके राउत, जसपा अध्यक्ष महन्थ ठाकुर, राष्ट्रिय मुक्ति पार्टी नेपालका अध्यक्ष राजेन्द्र महतो, आम जनता पार्टीका अध्यक्ष प्रभु शाहसहित अन्य नेताहरू सहभागी थिए ।
यसअघि प्रधानमन्त्री शाहले राष्ट्रका नाममा सम्बोधन गर्नुका साथै राष्ट्रपति रामचन्द्र पौडेल र उपराष्ट्रपति रामसहाय यादवसँग पनि परामर्श गरेका थिए ।
गृहमन्त्री सुधन गुरुङले पनि सुनसरी पुगेर पीडित परिवारसँग सहमति गरेका छन् ।
