काठमाडौं, १४ साउन । श्रम संस्कृति पार्टीका सांसद आरेन राईले राष्ट्रियताको विषयमा प्रधानमन्त्री बालेन्द्र शाहले जिद्दी गर्न नहुने बताएका छन् ।
प्रतिनिधिसभाको बिहीबारको बैठकमा उनले प्रधानमन्त्रीले जेठ १७ गते सीमा विवादबारे दिएको अभिव्यक्ति फिर्ता नलिनु उचित नभएको भन्दै उक्त अभिव्यक्ति संसद्को रेकर्डबाट हटाउन पुनः माग गरे ।
राईले देशमा हिंसात्मक गतिविधि बढ्दासमेत सरकार गम्भीर बन्न नसकेको आरोप लगाउँदै राष्ट्रियताको विषयमा संसद् र जनतालाई स्पष्ट जवाफ दिन प्रधानमन्त्रीसँग आग्रह गरे ।
प्रधानमन्त्रीको उक्त अभिव्यक्तिको विरोध गर्दै नेपाली कांग्रेस, एमालेसहित विपक्षी दलका सांसदहरूले संसद्मा जवाफ माग्दै विरोध जारी राख्ने बताएका छन् ।
