काठमाडौं, १४ साउन । देशभर मनसुनी वायुको प्रभाव कायम रहँदा आज अधिकांश स्थानमा बदली भई वर्षाको सम्भावना रहेको जल तथा मौसम विज्ञान विभागले जनाएको छ ।
महाशाखाका अनुसार कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका विभिन्न स्थानमा मेघगर्जन–चट्याङसहित हल्कादेखि मध्यम वर्षा हुने सम्भावना छ ।
कोशी, बागमती तथा कर्णाली–सुदूरपश्चिमका केही पहाडी क्षेत्रमा भारी वर्षा हुन सक्ने भएकाले सतर्कता अपनाउन आग्रह गरिएको छ ।
आज राति पनि देशभर सामान्यदेखि पूर्ण बदली रहनेछ । हिमाली तथा पहाडी भूभागमा वर्षा तथा हिमपातको सम्भावना रहेको छ भने कोशी, बागमती, गण्डकी र सुदूरपश्चिमका केही स्थानमा भारी वर्षा हुन सक्ने मौसमविद्ले बताएका छन् ।
