धनुषा, ११ साउन । शिक्षा तथा खेलकुदमन्त्री सस्मित पोखरेलले राजर्षि जनक विश्वविद्यालयका समस्या समाधान र शैक्षिक सुधारका लागि सरकार प्रतिबद्ध रहेको बताएका छन् ।
जनकपुरमा विश्वविद्यालयका पदाधिकारीसँग छलफल गर्दै उनले जग्गा व्यवस्थापनको कानुनी प्रक्रिया छिट्टै टुङ्ग्याई आफ्नै भवन निर्माणको काम अघि बढाइने बताए ।
साथै, विद्यार्थीलाई क्रिकेट ब्याट, बल र फुटबललगायत खेल सामग्री हस्तान्तरण गर्दै मधेश प्रदेशलाई साक्षर प्रदेश घोषणा गर्ने अभियानको प्रगति पनि सन्तोषजनक रहेको जानकारी दिए ।
