काठमाडौं, १० साउन । काठमाडौंको तारकेश्वर नगरपालिका–१ मा ईभी कारभित्र मृत फेला परेकी ४५ वर्षीया रश्मी रिजालले आत्मदाह गरेको प्रहरीको प्रारम्भिक अनुसन्धानबाट खुलेको छ ।
साउन ८ गते घरबाट निस्किएकी रिजाल शनिबार आफ्नै कारभित्र मृत अवस्थामा फेला परेकी थिइन्। प्रहरीले सिसिटिभी फुटेज, घटनास्थलबाट बरामद तीनवटा लाइटर र अन्य प्रमाणका आधारमा उनले पेट्रोल छर्केर आफैँलाई आगो लगाएको निष्कर्ष निकालेको जनाएको छ ।
घटनामा अन्य व्यक्तिको संलग्नता नदेखिएको प्रहरीको भनाइ छ । पोस्टमार्टमपछि शव परिवारलाई बुझाइएको छ भने घटनाबारे थप अनुसन्धान भइरहेको प्रहरीले जनाएको छ ।
पछिल्लो समय काठमाडौं उपत्यकासहित विभिन्न स्थानमा आत्मदाह तथा आत्मदाह प्रयासका घटना बढ्दै गएको पनि प्रहरीको तथ्यांकले देखाएको छ ।
