काठमाडौं, १० साउन । जनता समाजवादी पार्टी -जसपा) नेपालका अध्यक्ष उपेन्द्र यादवले नेपालको जलसम्पदालाई राष्ट्रिय समृद्धिको प्रमुख आधारका रूपमा विकास गर्नुपर्ने बताएका छन् ।
काठमाडौंमा जलस्रोत विज्ञ महाजन यादवद्वारा लिखित नेपालको जलस्रोत पुस्तक लोकार्पण गर्दै उनले नेपाल जलसम्पन्न भए पनि यसको वैज्ञानिक, योजनाबद्ध र राष्ट्रिय हितअनुकूल उपयोग हुन नसकेको बताए ।
उनले जलस्रोतलाई केवल विद्युत् उत्पादनमा सीमित नराखी कृषि, सिँचाइ, खानेपानी, उद्योग, वातावरण संरक्षण र आर्थिक रूपान्तरणसँग जोडेर दीर्घकालीन राष्ट्रिय रणनीति बनाउनुपर्नेमा जोड दिए ।
लेखक महाजन यादवले पुस्तकले जलस्रोत विकासका अवसर, चुनौती र जलवायु परिवर्तनका प्रभावबारे तथ्यपरक विश्लेषण प्रस्तुत गरेको बताए ।
