हेटौँडा, १० साउन । मकवानपुरको हेटौँडा उपमहानगरपालिका–११ थानाभ¥याङस्थित यातायात व्यवस्था कार्यालय अगाडि एक पुरुष रक्ताम्य अवस्थामा मृत फेला परेका छन् ।
प्रारम्भिक अनुसन्धानबाट मृतक थाहा नगरपालिका–३ चित्लाङ निवासी आसमान गोपाली रहेको खुलेको प्रहरीले जनाएको छ । घटनास्थलमा ठूलो मात्रामा रगत फेला परेको छ भने मृतकसँगै रहेकी एक महिला फरार रहेकाले उनको खोजी तीव्र पारिएको छ ।
जिल्ला प्रहरी कार्यालय मकवानपुरका एसपी श्यामबहादुर खत्रीको नेतृत्वमा घटनास्थलमा प्रमाण सङ्कलन, प्रत्यक्षदर्शीसँग सोधपुछ तथा अन्य अनुसन्धान भइरहेको प्रहरीले जनाएको छ ।
घटनाको वास्तविक कारण र मृत्युको प्रकृतिबारे अनुसन्धान जारी रहेको छ ।
