काठमाडौँ, ६ साउन । नेपाली कांग्रेसका नेता डा. शेखर कोइरालाले मुलुकलाई निकास दिन बीपी कोइरालाको राष्ट्रिय मेलमिलाप र एकताको नीतिलाई आत्मसात् गर्नुपर्ने बताएका छन् ।
बीपी कोइरालाको ४४औँ स्मृति दिवसका अवसरमा आयोजित कार्यक्रममा उनले राष्ट्रिय हितका लागि पहिले पार्टीभित्र र त्यसपछि सबै राजनीतिक शक्तिबीच एकता आवश्यक रहेको बताए ।
बीपीले जीवनको अन्तिम समयमा पनि व्यक्तिगतभन्दा देशको चिन्ता गरेको स्मरण गर्दै उनले वर्तमान नेतृत्वले पनि त्यही भावना अपनाउनुपर्ने उल्लेख गरे ।
डा. कोइरालाले बीपीको संघर्ष, राष्ट्रियता र प्रजातन्त्रप्रतिको योगदान स्मरण गर्दै युवापुस्तालाई इतिहास बुझ्न सुन्दरीजल बन्दीगृह भ्रमण गर्न सुझाव दिएका छन् ।
