काठमाडौं, २८ असार । गणेश नेपालीको मृत्यु प्रकरणमा नेपाल सरकार, काठमाडौं महानगरपालिका र पीडित परिवारबीच ९ बुँदे सहमति भएको छ ।
जिल्ला प्रशासन कार्यालय काठमाडौंमा प्रमुख जिल्ला अधिकारीको उपस्थितिमा भएको छलफलपछि सरकार, काठमाडौं महानगरपालिका र पीडित पक्षबीच सहमति पत्रमा हस्ताक्षर गरिएको हो ।
सहमतिअनुसार गणेश नेपालीको परिवारलाई उचित राहत उपलब्ध गराइने, उनकी आश्रित छोरीको उच्च शिक्षासम्मको सम्पूर्ण व्यवस्था मिलाइने तथा श्रीमतीलाई उपयुक्त रोजगारीको अवसर प्रदान गरिने उल्लेख गरिएको छ ।
यस्तै, नेपालीको मृत्यु प्रकरणमा निष्पक्ष, पारदर्शी र प्रभावकारी अनुसन्धान गरी सत्यतथ्य सार्वजनिक गर्ने तथा कानुनबमोजिम आवश्यक प्रक्रिया अघि बढाउने विषयमा पनि सहमति भएको छ ।
