काठमाडौं, २७ असार । विज्ञान, प्रविधि तथा नवप्रवर्तनमन्त्री एवं राष्ट्रिय आविष्कार केन्द्रका अध्यक्ष महावीर पुनले आगामी एक वर्षसम्म अत्यावश्यक सार्वजनिक महत्वका विषयबाहेक कुनै पनि सञ्चारमाध्यम वा सामाजिक सञ्जाललाई अन्तर्वार्ता नदिने घोषणा गरेका छन् ।
ट्राफिक नियम उल्लंघनमा ५० हजार रुपैयाँ जरिवाना हुनुपर्ने भन्ने आफ्नो अभिव्यक्ति विवादमा परेपछि उनले उक्त भनाइ फिर्ता लिँदै माफी मागेका हुन् ।
पुनले जरिवानाको रकमबारेको प्रसंग अन्तर्वार्ताकारहरूले उठाएको दाबी गर्दै ट्राफिक नियम उल्लंघन गर्नेलाई कडा कारबाही आवश्यक रहेको बताएका छन् ।
