काठमाडौं, २६ असार । गणेश नेपालीको मृत्यु प्रकरणलाई लिएर संयुक्त विद्यार्थी संगठनले शुक्रबार काठमाडौंको माइतीघर मण्डलमा विरोध प्रदर्शन गरेका छन् ।
प्रदर्शनका क्रममा उनीहरूले प्रधानमन्त्री वालेन्द्र -बालेन) शाहको पुत्ला दहन गर्दै गणेश नेपालीलाई न्यायको माग गरेका हुन् । प्रदर्शनका क्रममा सरकारविरुद्ध नाराबाजी भएको थियो भने केही समय झडपको अवस्था पनि सिर्जना भएको थियो।
बिहीबार त्रिपुरेश्वरमा काठमाडौं महानगरपालिकाका नगर प्रहरीसँग विवाद भएपछि गणेश नेपालीले आफ्नै शरीरमा पेट्रोल छर्केर आत्मदाहको प्रयास गरेका थिए ।
गम्भीर घाइते भएका उनको शुक्रबार बिहान वीर अस्पतालमा उपचारका क्रममा मृत्यु भएको थियो ।
