जनकपुर, २५ असार । लेखक रामजी दासद्वारा लिखित ‘तत्म दर्शन’ आत्मा, जीवन र परम आनन्दको खोज नामक पुस्तक अहिले बजारमा चर्चा पाएको छ ।
पुस्तकमा जीवन, आत्मा, परमात्मा, तत्म तथा अध्यात्मसँग सम्बन्धित विषयलाई सरल भाषामा प्रस्तुत गरिएको लेखकले बताएका छन् । पुस्तक दुई भागमा विभाजन गरिएको छ ।
पहिलो भागमा तत्त्व, तत्त्वज्ञान, आत्मा, परमात्मा लगायतका विषयको परिचय र विश्लेषणका साथै विभिन्न सन्तहरूको संक्षिप्त जीवनी समेटिएको छ ।
दोस्रो भागमा योग, ओमकार ध्वनि, आत्मसाक्षात्कार तथा आध्यात्मिक यात्रामार्फत जीवनमा प्राप्त हुने शान्ति र आनन्दबारे चर्चा गरिएको छ ।
आभार मन्तव्यमा लेखक रामजी दासले पुस्तक लेखनमा प्रेरणा, सहयोग र मार्गदर्शन गर्ने विभिन्न व्यक्तित्वप्रति कृतज्ञता व्यक्त गरेका छन् ।
उनले विशेष गरी आफ्ना परमगुरु ओशो तथा सद्गुरु सिद्धार्थ औलियाप्रति सम्मान प्रकट गरेका छन् ।
लेखकका अनुसार जीवनको रहस्य बुझ्न, आत्मचिन्तन गर्न र आध्यात्मिक मार्गमा रुचि राख्ने पाठकका लागि यो पुस्तक उपयोगी बन्ने जनाएको छ ।
