काठमाडौं, २० असार । भूमि व्यवस्था,सहकारी तथा सङ्घीय मामिला मन्त्री प्रतिभा रावलले पदभार सम्हालेको १०० दिनको कार्यप्रगति सार्वजनिक गरेकी छन्। मन्त्रालयले ४८ बुँदे उपलब्धि सार्वजनिक गर्दै सहकारीका १,७५४ बचतकर्तालाई २ करोड ६३ लाख रुपैयाँ फिर्ता गरिएको जनाएको छ।
मन्त्रालयका अनुसार २२३ स्थानीय तहमा प्रमुख प्रशासकीय अधिकृत खटाइएको, २९ भूमिहीन तथा सुकुम्वासी परिवारलाई लालपुर्जा वितरण गरिएको र १५४ ऋणीबाट ४ करोड ३२ लाख रुपैयाँभन्दा बढी ऋण असुल गरिएको छ।
यस्तै, कर्मचारी ट्रेड युनियन व्यवस्था हटाइएको, प्रधानमन्त्री निवास रहेको बालुवाटारको जग्गा नेपाल सरकारको नाममा ल्याइएको, मालपोत–नापी सेवामा सुधार, ‘मेरो कित्ता’ मोबाइल एप सञ्चालन तथा निजामती अस्पतालको सेवा विस्तारलगायत काम पनि प्रगति सूचीमा समेटिएका छन्।
