काठमाडौं, १४ असार । सङ्घीय संसद् प्रतिनिधिसभाको बैठक आज बिहान ११ बजे बस्दैछ । बैठकका लागि १२ वटा कार्यसूची तय गरिएको छ, जसमा आर्थिक तथा कानुनी महत्त्वका विभिन्न विधेयकमाथि छलफल र निर्णय गरिनेछ ।
बैठकको सुरुआतमा राष्ट्रपतिबाट प्रमाणीकरण भएका विधेयकसम्बन्धी पत्र पढेर सुनाइनेछ भने विज्ञान, प्रविधि तथा नवप्रवर्तन मन्त्रीले महालेखा परीक्षकको २०८३ सालको वार्षिक प्रतिवेदन पेस गर्नेछन् ।
त्यसैगरी सार्वजनिक खरिद, सम्पत्ति शुद्धीकरण -मनी लाउन्डरिङ), सहकारी तथा स्वास्थ्य विज्ञान प्रतिष्ठानसम्बन्धी संशोधन विधेयक प्रस्तुत गरिनेछ ।
आर्थिक विधेयक र राष्ट्र ऋण उठाउने विधेयकमाथि प्राप्त संशोधनमाथि छलफल तथा निर्णय हुने कार्यसूची पनि रहेको छ । बैठकमा प्रतिनिधिसभाका पूर्वसदस्य राजेन्द्र खरेलको निधनप्रति श्रद्धाञ्जलीसहित शोक प्रस्ताव पनि प्रस्तुत गरिनेछ ।
