काठमाडौं, ९ असार । राष्ट्रिय स्वतन्त्र पार्टी (रास्वपा) मा सदस्य संख्या ५ लाख २३ हजार ४६५ पुगेको छ।
चितवनमा जारी प्रथम महाधिवेशनमा महामन्त्री कविन्द्र बुर्लाकोटीले प्रस्तुत गरेको सांगठनिक प्रतिवेदनमा उक्त विवरण सार्वजनिक गरिएको हो।
प्रतिवेदनअनुसार पार्टीमा ३ लाख ९६ हजार ७८९ पुरुष र ८९ हजार ८९६ महिला सदस्य छन्। अन्य लैंगिक समूहका ५८८ सदस्य रहेका छन् भने ३६ हजार १९२ जनाको लैंगिक विवरण खुलाइएको छैन।
कुल सदस्यतामध्ये पुरुष ७५.८ प्रतिशत, महिला १७.२ प्रतिशत, अन्य ०.१ प्रतिशत र विवरण नखुलाएका ६.९ प्रतिशत रहेका छन्।
महाधिवेशनमा प्रतिवेदनमाथिको छलफलपछि सभापति तथा ९९ केन्द्रीय सदस्य चयनका लागि निर्वाचन प्रक्रिया अघि बढ्नेछ। त्यसपछि दोस्रो चरणमा अन्य पदाधिकारीहरूको निर्वाचन गरिने पार्टीले जनाएको छ।
