काठमाडौं, ७ असार । राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशन औपचारिक रूपमा उद्घाटन गरिएको छ।
भरतपुरमा आयोजित उद्घाटन समारोहमा पार्टी सभापति रवि लामिछानेसहित विभिन्न विशिष्ट अतिथिहरूले सामूहिक रूपमा घण्टी बजाएर महाधिवेशनको शुभारम्भ गरेका हुन्।
उद्घाटन समारोहमा उपस्थित नेता, कार्यकर्ता, प्रतिनिधि तथा अतिथिहरूको उल्लेखनीय सहभागिता रहेको थियो। समारोहका क्रममा घण्टी हस्तान्तरण र सामूहिक सहभागिताले महाधिवेशनस्थल उत्साहपूर्ण बनेको थियो।
रास्वपाको पहिलो राष्ट्रिय महाधिवेशनबाट नयाँ नेतृत्व चयन, संगठनात्मक संरचनाको पुनर्संरचना तथा आगामी राजनीतिक कार्यदिशा तय हुने अपेक्षा गरिएको छ। महाधिवेशनमा देशभरबाट आएका प्रतिनिधि, पर्यवेक्षक तथा शुभेच्छुकहरूको सहभागिता रहेको छ।
