काठमाडौं, ४ असार । गृहमन्त्री सुधन गुरुङ ले यस वर्षको मनसुनजन्य विपद् व्यवस्थापनमा सरकारको ध्यान मन्त्रीहरूको निरीक्षण भ्रमणभन्दा नागरिकको सुरक्षा, उद्धार र राहतमा केन्द्रित रहेको बताएका छन् ।
बिहीबार सिंहदरबारमा राष्ट्रिय विपद् जोखिम न्यूनीकरण तथा व्यवस्थापन प्राधिक रणको बैठकपछि सञ्चारकर्मीसँग कुरा गर्दै उनले सम्भावित जोखिम क्षेत्रको पहिचान, जनशक्ति परिचालन र आवश्यक उपकरण व्यवस्थापनको काम मनसुनअघि नै सुरु गरिएको जानकारी दिए ।
विपद्का बेला प्रचारमुखी गतिविधिभन्दा उद्धार, राहत र जोखिम न्यूनीकरणलाई प्राथमिकता दिइएको उल्लेख गर्दै उनले विगतका कमजोरी दोहोरिन नदिने दाबी गरे ।
साथै, पूर्व पश्चिम राजमार्ग र पृथ्वी राजमार्गलगायतका सडक अवरोध व्यवस्थापनका लागि गृह मन्त्रालय र भौतिक पूर्वाधार मन्त्रालयबीच समन्वय भइरहेको बताए ।
