काठमाडौं, ४ असार । राष्ट्रिय स्वतन्त्र पार्टी -रास्वपा) ले आगामी साता चितवनमा हुने राष्ट्रिय महाधिवेशनका लागि प्रतिनिधि छनोटको मापदण्ड सार्वजनिक गरेको छ ।
मधेश प्रदेशमा अधिवेशन हुन नसकेकाले त्यहाँबाट समेत प्रतिनिधित्व सुनिश्चित गर्न पार्टीले केन्द्रीय पोर्टलमा दर्ता भएका प्रदेश समिति, प्रदेश आयोग तथा विभागका पदाधिकारी र सदस्यलाई सहभागी गराउने निर्णय गरेको छ ।
जिल्ला अधिवेशन सम्पन्न भएका जिल्लाबाट सभापतिसहित तीन जना -कम्तीमा एक महिला) प्रतिनिधि रहनेछन्। अधिवेशन नभएका निर्वाचन क्षेत्रबाट संयोजक मात्र सहभागी हुन पाउने व्यवस्था गरिएको छ ।
त्यस्तै, निर्वाचन सम्पन्न भएका पालिकाबाट एक जना प्रतिनिधि सहभागी हुन पाउनेछन् भने तदर्थ समितिका हकमा सभापति मात्र महाधिवेशनमा सहभागी हुन पाउने रास्वपाले जनाएको छ ।
