दाङ, ३ असार । युवतीलाई खुकुरी देखाउँदै कुटपिट गरेको भिडियो सामाजिक सञ्जालमा भाइरल भएपछि दाङको तुलसीपुर–२ का २४ वर्षीय रमेश ठाडामगर पक्राउ परेका छन् ।
उनलाई मंगलबार राति घरबाटै पक्राउ गरिएको प्रहरीले जनाएको छ । घटनामा संलग्न रहेको आरोपमा २१ वर्षीय जिबराज खत्रीलाई पनि नियन्त्रणमा लिएर अनुसन्धान भइरहेको छ ।
भिडियोमा रमेशले एक २१ वर्षीया युवतीलाई अश्लील गालीगलौज गर्दै खुकुरीको उल्टो भागले प्रहार गरेको देखिएको छ । पीडित युवतीको स्वास्थ्य अवस्था सामान्य रहेको प्रहरीले जनाएको छ ।
पक्राउ परेका रमेशको साथबाट विभिन्न प्रकारका झण्डै ५० ट्याब्लेट लागुऔषध समेत बरामद भएको छ ।
