काठमाडौं, ३ असार । सञ्चार तथा सूचना मन्त्रालयले नेपाल टेलिभिजनले विभिन्न समयमा गरेका उपकरण, सफ्टवेयर तथा डिजिटल प्रणाली खरिद प्रक्रियाको अध्ययन र छानबिन गर्न डा. सुदीप भट्टराईको संयोजकत्वमा चार सदस्यीय समिति गठन गरेको छ ।
असार १ गतेको मन्त्रीस्तरीय निर्णयबाट गठित समितिलाई २१ दिनभित्र प्रतिवेदन पेश गर्ने जिम्मेवारी दिइएको छ ।
समितिले ग्राफिक्स सिस्टम, डिजिटल प्लेटफर्म सेवा, अडियो भिडियो उपकरण, डिजिटल ट्रान्समिटर तथा इटहरी च्यानलका लागि खरिद गरिएको प्लेआउट अटोमेसन सिस्टमलगायत विषयमा अध्ययन गर्नेछ ।
उक्त खरिद प्रक्रियाबारे विभिन्न उजुरी र गुनासो आएपछि मन्त्रालयले आन्तरिक अध्ययनका लागि छानबिन समिति गठन गरेको जनाएको छ ।
